Yarimhimoyachi Ilaysh Moriba «Barselona»dan «RB Leyptsig»ga o'tishi haqida fikr bildirdi.

«Barselona» mening yuragimda abadiy qoladi. Men ega bo'lgan hamma narsam uchun bu klubdan minnatdorman.

O'tgan bir necha oy juda qiyin bo'ldi, lekin hozir ular o'tmish. Men «Barselona» va uning muxlislariga omad tilayman.

Bu shaharni tark etish juda qiyin edi, lekin «RB Leyptsig»ga ko'chib o'tish men uchun eng yaxshi variant bo'lib tuyuldi.

Men haqimda aytilgan turli mish mishlarning ko'pi to'g'ri emas edi, lekin men bu klubga bo'lgan hurmatim tufayli javob berishni xohlamadim», - deydi Moriba.

Eslatib o'tamiz, Moriba «RB Leyptsig» bilan 5 yillik shartnoma imzoladi. Transfermarkt portali ma'lumotlariga ko'ra, xarid summasi 16 million evroni tashkil qilgan.