«Barselona» va Ispaniya terma jamoasi yarimhimoyachisi Serxio Buskets har ikki yilda bir marta jahon chempionatini o'tkazish g'oyasini tanqid qildi.

«Futbolchilar har ikki yilda bir marta jahon chempionatini o'tkazish g'oyasiga ta'sir qila olishi ehtimoli kam. Ko'ryapmizki, taqvim yanada tig'iz. Ular futbolchilarga ahamiyat bermaydilar.

Ular ko'proq Evro, Jahon chempionatlari, klublar o'rtasidagi jahon chempionatlari, liga o'yinlari va har bir turnirda ko'proq o'yinlar bo'lishini xohlashadi.

O'yinchilar portlaydigan payt keladi, chunki o'yinlar talabchan bo'lib bormoqda va bizda dam olish uchun vaqt kamaymoqda. Shuning uchun, u bilan kurashish qiyin.

Bularning barchasi ma'lum oqibatlarga olib keladi, shuning uchun biz yig'ilish o'tkazib, har tarafni tinglashimiz kerak ”, - dedi Buskets.