"Barselona" moliyaviy qiyinchiliklarga qaramay yozda top transferlar amalga oshirmoqchi
"Barselona" 2022 yil yozidagi asosiy transfer nishonlarini aniqlab oldi.
"Mundo Deportivo" xabariga ko'ra, "ko'k-anorranglilar" "Leyptsig" xavbeki Dani Olmo, "Manchester Yunayted" yarim himoyachisi Pol Pogba va "Borussiya" hujumchisi Erling Xoland bilan shartnoma imzolashni istamoqda.
Olmo yozdayoq "Barsa"ga o'tishi mumkin edi, ammo tomonlar kelishuvga erishishda kechikishdi. Pogbaning esa kelasi yili shartnomasi yakunlanadi va erkin agentga aylanadi. "Barselona" Xolandning tovon pulini to'lashga tayyor turibdi.