«Barselona» hujumchisi Lionel Messi kamida 2021 yilning yoziga qadar "Kamp Nou"da qoladi. Bu haqda Marca nashri xabar tarqatdi.Manbaga ko'ra, 32 yoshli futbolchi amaldagi shartnomaning oxiriga qadar «Barsa»ni tark etmoqchi emas. Ammo argentinalik futbolchi kelasi yilning avgust oyiga qadar yangi shartnoma borasida muzokaralarni boshlamoqchi emas. Messi o'zining jismoniy holatini kuzatib borib, shundan so'ng bir qarorga kelmoqchi. U o'zining yuqori saviyada o'ynashda davom etishiga ishonch hosil qilganidan keyingina yangi shartnoma imzolamoqchi. Avvalroq Messi faoliyatini «Barselona»da yakunlash niyati borligini ma'lum qilgan edi.