Biroz oldin La Liga 6-turidan o'rin olgan "Xetafe" - "Atletiko Madrid" bahsi o'z yakuniga etdi. Uchrashuvda "matraschilar" irodali g'alabani qo'lga kiritdi. 

1:2 hisobida yakunlangan bahsda dastlab Stefan Mitrovich 45-daqiqada hisobni ochdi. Keyinchalik Luis Suares 78 va 90 daqiqalarda gol urib jamoasiga g'alabani ta'minladi. 

Shunday qilib, "Atletiko" o'z hisobiga yana bir 3 ochkoni yozdirib qo'ydi. Natijada 14 ochko jamg'argan "matraschilar" onlayn turnir jadvalida birinchi pog'onani band etib turishibdi.

"Xetafe" – "Atletiko" - 1:2 (1:0)

Gollar: Mitrovich, 45 - 1:0, Suares, 78 - 1:1, Suares, 90+1 - 1:2

"Xetafe": Soriya, Iglesias, Mitrovich, Djene, Kuenka, Olivera, Maksimovich, Alenya, Florentinu, Mata (Silva, 78), Masias (Unal, 67).

"Atletiko": Oblak, Tripper (Ermoso, 62), Savich, Ximenes, Lodi (de Paul, 63), Errera (Vrsalko, 84), Karrasko, Lorente, Suares, Grizmann (Mateus Kunya, 67), Korrea.