Tadbirga klub tarixidagi eng yorqin murabbiylardan biri va hozirda “Man Siti”ga ustozlik qilayotgan Pep Gvardiola kelishi kutilmoqda. Xavi 2008-2012 yillar davomida Gvardiola qo'l ostida “Barsa”da o'ynagan va jamoa bilan ko'plab titullarni qo'lga kiritgandi.

Shuningdek, matbuot anjumanida kataloniyaliklar rahbari Joan Laporta ham qatnashadi. Yangi murabbiy qo'l ostidagi ilk jamoaviy mashg'ulotlar esa seshanbada o'tadi. “Barselona”ni oldinda 20 noyabr kuni “Espanol”ga qarshi derbi kutmoqda.