"Barselona" himoyachisi Ektor Belerin qishki transfer oynasida Kataloniya klubini tark etishi mumkin, deya xabar beradi insayder Nikolo Skira.

Manbaga ko'ra, ispaniyalikning o'yini "ko'k-anorranglilar" rahbariyatiga to'g'ri kelmagan, futbolchi "Barsa" bosh murabbiyi Xavining rejalariga kiritilmagan. Belerin "Roma"ga allaqachon taklif qilingan. Italiya klubi "bo'rilar" bosh murabbiyi Joze Mourino bilan yomon munosabatda bo'lgan o'ng qanot himoyachisi Rik Karsdorpga o'rinbosar qidirmoqda.

Ispaniyalik futbolchi va kataloniyaliklar o'rtasidagi kelishuv 2023 yilning yoziga qadar mo'ljallangan. Transfermarkt portaliga ko'ra, futbolchining transfer narxi 15 million evroni tashkil qiladi.

Belerin yozgi transfer oynasi oxirida "Barselona"ga o'tdi. Bu vaqt ichida ispaniyalik kataloniyaliklar uchun 5ta o'yin o'tkazib, samarali harakatlari bilan ajralib tura olmadi.