Ispaniya terma jamoasi va “Barselona”ning sobiq yarim himoyachisi, hozirda “ko'k anorranglilar” bosh murabbiyi Xavi Ernandes 37 yoshli portugaliyalik hujumchi Krishtianu Ronaldu haqida o'z fikrlari bilan o'rtoqlashdi. Mutaxassisning fikricha, hujumchi hamon dunyoning eng yaxshi futbolchilaridan biri hisoblanadi.

"Ronaldu? Menimcha, Krishtianu hamon sayyoramizning eng yaxshi 3-5 o'yinchisi qatorida", - deya murabbiyning so'zlari keltiriladi Sport.es sahifalarida.

Ronaldu yaqinda "MYu" bilan shartnomasini tugatdi va endi erkin agentga aylandi. Qishki transfer oynasida yulduz to'purar yangi klub haqida qaror qabul qiladi.