"Barselona" hujumchisi Usmon Dembele 2023 yilning yozida "Chelsi"ga o'tishi mumkin. Mundo Deportivo xabariga ko'ra, londonliklar uni 50 million evroga sotib olishni o'ylamoqda.

Futbolchining "Barselona" bilan shartnomasi 2024 yilning yoziga qadar mo'ljallangan. Dembelega shaxsan “Chelsi” bosh murabbiyi Grem Potter qiziqmoqda. "Barselona" o'z navbatida futbolchini qo'yib yuborishga tayyor emas va shartnomani uzaytirishni rejalashtirmoqda.

Frantsiyalik futbolchi 2017 yilda Dortmundning "Borussiya"sidan "Barselona"ga o'tgan edi. Transfermarkt portali futbolchini 60 million evroga baholamoqda.

25 yoshli hujumchi joriy mavsumda “Barselona” safida 20 ta o'yinda maydonga tushib, 5 ta gol urdi va 7 ta golli uzatmani amalga oshirdi.