"Barselona"ning tajribali ispaniyalik yarim himoyachisi Serxio Buskets qishki transfer oynasidayoq klubini o'zgartirish variantini jiddiy ko'rib chiqmoqda.

Diario Sport xabariga ko'ra, 34 yoshli ispaniyalik futbolchi tez orada Kataloniya klubini tark etishi va darhol MLSga o'tishi mumkin. Bosh murabbiy Xavi Ernandes Busketsdan hech bo'lmaganda mavsum oxirigacha jamoada qolishni so'rashi mumkin, chunki "Barselona"da shunchaki yarim himoyachini almashtirish imkoniyati yo'q.

Joriy mavsumda Serxio Buskets Kataloniya klubi tarkibida Ispaniya ligasida 12 ta o'yin o'tkazib, 1 ta golli uzatmaga mualliflik qilgan.