"Barselona" Frank Kessieni "Tottenxem"ga sotishi mumkin.

Sport.es xabariga ko'ra, ingliz klubi Kessie uchun 15 million evro taklif qilgan.

Kataloniyaliklar maosh miqdorini tushirmoqchi, shuning uchun agar transfer summasi ularga mos bo'lsa, ivuarlik futbolchini sotishi mumkin. Sotish uchun yana bir nomzod - Memfis Depay.

Qayd etilishicha, Kessiening o'zi "Barsa"ni tark etishni istamaydi, biroq klub Depay bilan xayrlasha olmasa, u holda afrikalik jamoani tark etishga majbur bo'lishi mumkin.

La Liganing joriy mavsumida 26 yoshli yarim himoyachi maydonda atigi 213 daqiqa o'ynadi.