Madridning "Real" klubi o'z rasmiy sayti sahifalarida himoyachi David Alabaning holati haqida xabar berdi.

Tekshiruv chog'ida 30 yoshli avstriyalik futbolchining o'ng oyoq mushaklari shikastlangan. Klub Alabani qayta tiklash vaqtini aytmaydi.

2022/2023 yilgi mavsumda David Alaba "Real" safida 23 ta rasmiy o'yinda maydonga tushdi. Ularda himoyachi ikkita gol urdi va sherigiga uchta samarali uzatma berdi.

Madridning “Real” klubi ayni damda Ispaniya chempionati turnir jadvalida ikkinchi o'rinda bormoqda. Karlo Anchelotti jamoasi peshqadam “Barselona”dan 3 ochko ortda qolmoqda. "Qaymoqranglilar" navbatdagi o'yinni 11 yanvar kuni Superkubok yarim finalida "Valensiya"ga qarshi o'tkazadi.