"Atletiko" yarim himoyachisi Yannik Karrasko "Barselona"ga o'tishi mumkinligi haqida gapirdi.

"Barcha o'yinchilar o'z maqsadlariga erishish uchun kurashishga sodiq bo'lishlari kerak. Mavsumning birinchi qismi biz uchun eng yaxshisi bo'lmadi, biroq biz Ispaniya kubogi uchun kurashish va mavsumni chempionatda yuqori pog'onada yakunlash niyatidamiz", - deydi Karrasko.

Ispaniya chempionatining joriy mavsumida 17 turidan so'ng “matraschilar” o'z hisobida 28 ochko jamg'argan holda turnir jadvalida to'rtinchi o'rinda bormoqda. Karraskoning o'zi joriy mavsumda "Atletiko Madrid" safida 23 o'yinda 4 ta gol urdi va 2 ta golli uzatmani amalga oshirdi.