«Real» bosh murabbiyi Joze Mourinyo hozirgi "el-klasiko"larni avvalgi yillardagi «Barselona»ga qarshi qarama-qarshiliklar bilan taqqosladi.

— Odamlar endi "el-klasiko"ni avvalgidek kutmaydi. O‘sha paytlarda butun dunyo to‘xtab qolgandek bo‘lardi. Bu faqat Madrid va Barselona yoki Ispaniya haqida emas edi. Bu butun dunyo uchun muhim voqea edi. Odamlar bu o‘yinlarni katta intizorlik bilan kutardi.

Albatta, Krishtianu va Messi o‘sha davrning ramzlari edi. Ular dunyoning eng yaxshi ikki futbolchisi hisoblanardi. «Real» — dunyoning eng yaxshi klubi. «Barselona» esa «Real»dan keyingi eng yaxshi klublardan biri, — dedi Mourinyo.

Eslatib o‘tamiz, portugaliyalik mutaxassis 2010–2013 yillar oralig‘ida «Real»ni boshqargan va aynan shu davrda «Barselona»ga qarshi ko‘plab shiddatli "el-klasiko"larda ishtirok etgan. Uning jamoasi o‘sha yillarda Krishtianu Ronaldu boshchiligida harakat qilgan bo‘lsa, kataloniyaliklar safida Lionel Messi to‘p surgan.

Manba: Stadion.uz