"Fiorentina" yarim himoyachisi Sofyan Amrabat La Liganing yakshanba kuni bo'lib o'tgan "Barselona" - "Xetafe" uchrashuviga tashrif buyurdi. 26 yoshli marokashlik futbolchining "Kamp Nou"da bo'lgani haqida Relevo xabar bermoqda.

Qayd etilishicha, Sofyan Amrabat "Barselona" rahbarlari bilan uchrashmagan. Xabaringiz bor, mish-mishlar yarim himoyachini Kataloniya klubi bilan bog'lab kelmoqda.

Sofyan Amrabat Qatardagi jahon chempionatida yaxshi ishtirok etdi. Nufuzli Transfermarkt portali mutaxassislari marokashlik yarim himoyachini 25 million evroga baholamoqda.