"Barselona" va Braziliya terma jamoasining sobiq himoyachisi, zo'rlash ishi bo'yicha qamalgan Dani Alveshning advokati Kristobal Martell dushanba kuni apellyatsiya arizasi berib, futbolchini hibsdan ozod qilishni talab qiladi, deb xabar bermoqda La Vanguardia nashri.

Yanvar oyi boshida politsiyaga 39 yoshli himoyachi haqida ismi oshkor etilmagan ayol xabar bergan. U uni Barselonadagi tungi klubda jinsiy zo'ravonlikda, shuningdek, zo'rlashda aybladi.