«Barselona» qishki transferning so'nggi soatlarida kutilmagan transferni amalga oshirishi mumkin. «Los-Anjeles Gelaksi» futbolchisi Xulian Arauxo Kataloniya poytaxtiga ko'chib o'tishga yaqin turibdi."Barsa" meksikalik o'ng qanot himoyachisiga bir necha oydan beri qiziqib kelmoqda. Jamoa 21 yoshli futbolchini yozda qo'lga kiritishni istaganda, ammo u paytda transfer amalga oshmay qolgandi. Relevo tarqatgan xabarga ko'ra, «Barselona» Arauxoni ijaraga olish bo'yicha birinchi taklifni yuborgan, ammo «Los-Anjeles Gelaksi» ushbu taklifga rad javobini berdi. «Barselona» bugun o'z taklifini yaxshiladi. "Ko'k-anorranglilar" himoyachini joriy mavsum oxiriga qadar ijaraga olib, keyinchalik uni 5 million evroga sotib olmoqchi. Shuningdek, Arauxoning keyingi transferidan amerikaliklar 10-15 foizi miqdorida ulush olishi rejalashtirilgan.Relevo xabar tarqatishicha, «Los-Anjeles Gelaksi» ikkinchi taklifga rozilik bergan. Arauxo «Barselona B» a'zosi sifatida ro'yxatdan o'tkaziladi, ammo u Xavi qo'l ostida mashg'ulotda ishtirok etadi.