"Real Madrid" himoyachisi David Alaba bugun jamoa bilan mashg'ulot o'tkazmadi. Katta ehtimol bilan futbolchi ertaga Ispaniya chempionati doirasida bo'lib o'tadigan "Valensiya"ga qarshi jamoasining navbatdagi o'yinini o'tkazib yuboradi.

Eslatib o'tamiz, Alaba hozir tez-tez himoya markazida o'ynaydi, lekin ba'zida chapda ham o'ynay oladi. “Qirollik klubi”ning asosiy chap qanot himoyachisi Ferland Mendi jarohat olganini inobatga olsak, himoyada Eduardo Kamavinga o'ynashga majbur bo'ladi.

Hozirda "Real Madrid" birinchi o'rindan 5 ochko ortda qolmoqda. “Barselona” keyingi turda “Betis” bilan safarda o'ynaydi.