Xavining aytishicha, u «Barselona»ni La Ligada favorit deb hisoblamaydi.

«Taxminlar mavsum boshida berilgan. Biz yaxshi holatdamiz, yaxshi damlarni boshdan kechirmoqdamiz, yaxshi o'yinlar o'tkazdik.

Umuman olganda, La Ligadagi o'yinimizdan juda xursandman va qoniqish hosil qildim: biz peshqadammiz, o'tgan mavsum chempionlikni qo'lga kiritgan «Real»dan 5 ochko oldindamiz. Shunday davom etishimiz kerak.

O'zimizni favorit emas, aksincha chempionlik uchun da'vogarlardan biri deb hisoblayman. Biz La Liga va Chempionlar Ligasining amaldagi g'oliblari bilan raqobatlashamiz.

Chempionlik uchun oxirgi turgacha kurashamiz. 5 ochko ortda qolishlariga qaramay, ularni kuchli deb hisoblayman», — dedi Xavi.