«Vilyarreal» himoyachisi Xuan Foyt «Barselona» qiziqishlari doirasida qolgan. Bu haqda Ispaniyaning Sport nashri xabar bermoqda.

Yozgi transfer oynasida «Barselona» himoyaning o'ng qanotini kuchaytirishni kutmoqda. Kataloniya klubiga Xuan Foyt ideal nomzod sanaladi.

Xuan Foyt 2020 yilning oktyabr oyidan beri «Vilyarreal»da o'ynamoqda. O'shandan beri klub safida 82 ta rasmiy o'yin o'tkazgan. Ularda argentinalik futbolchi uchta gol urdi va ikkita golli uzatmani amalga oshirdi.

Nufuzli transfermarkt portali ekspertlari 25 yoshli Xuan Foytni 25 million evroga baholamoqda.