Jahon futboli yulduzi Lionel Messining akasi Matias Messi afsonaviy hujumchini tarbiyalagan “Barselona”ga nisbatan hurmatsizlik bildirgan gaplari uchun uzr so'radi.

“Men bayonotlarimni tushuntirmoqchiman. Biz o'sha paytda shunchaki hazillashgandik. "Barselona" haqida qanday fikrdaman? Bu klub Leo va oilamizga ko'p narsa berdi. Kataloniya biz uchun ikkinchi uy. Agar so'zlarim bilan kimnidir xafa qilgan bo'lsam, uzr”, — deb yozgan Matias ijtimoiy tarmoqda.

Lionel Messi 2005 yildan 2021 yilgacha "Barselona"ning asosiy jamoasida o'ynagan.