Ronaldinoning o'g'li Joao Mendes "Barselona"da o'ynaydi. Avvalroq, afsonaviy braziliyalik sobiq futbolchining o'zi 17 yoshli o'g'lini Kataloniya klubiga o'tganini ma'lum qilgandi.

"Biz Ronaldino dostonini davom ettirishdan faxrlanamiz. Uning o'g'li biz bilan shartnoma imzolaydi, u yaxshi futbolchi", - dedi Laporta.

Ronaldino 2003-2008 yillarda "Barselona"da o'ynagan. Kataloniya klubida 5 yil davomida braziliyalik futbolchi 207 ta rasmiy o'yin o'tkazgan. Ularda Ronaldino 94 ta gol urgan va sheriklariga 70 ta golli uzatma bergan.