Jerar Pike faoliyati davomida Lionel Messi va Krishtianu Ronaldu bilan yonma-yon o'ynash baxtiga muyassar bo'lgan. "Barselona"ning sobiq himoyachisi argentinalik va portugaliyalik futbolchilarni solishtirdi.

"So'nggi o'n yillikda ular o'rtasidagi jang ta'sirli bo'ldi, ikkalasi ham yaxshi edi. Menimcha, iste'dod borasida Messi albatta birinchi raqamda. To'g'ri, Krishtianu raqobat qilish uchun juda ko'p mehnat qildi, lekin ikkalasining ham martabasiga nazar tashlasangiz... Men Messini tanlagan bo'lardim. U 35 yoshida dunyoning eng yaxshi futbolchisi bo'lishi mumkinligini ko'rsatdi. U buni jahon chempionatida ko'rsatdi" - dedi Pike Goal.com bilan suhbatda.