"Barselona" bosh murabbiyi Xavi "Manchester Yunayted"ga qarshi Evropa ligasi o'yini oldidan matbuot anjumanida o'z fikrlarini bildirib o'tdi. Yosh mutaxassis "qizil iblislar"ning yozda yarim himoyachi Frenki de Yongga bo'lgan qiziqishi haqida fikr bildirdi.

“U biz bilan qolmoqchi edi, bunga hech qanday shubha yo'q. Hozir u biz bilan, uning o'yini va etakchilik fazilatlaridan mamnunman. Menimcha, u maydonda huzurlanmoqda va bu eng muhimi”, dedi Xavi jurnalistlarga.

"Barselona" va "Manchester Yunayted" o'rtasidagi Evropa ligasi pley-off bosqichining birinchi o'yini 16 fevral kuni Toshkent vaqti bilan soat 22:45da boshlanadi.