"Barselona" yarim himoyachisi Gavi 23 fevral kuni "Manchester Yunayted"ga qarshi o'yinda ishtirok etmaydi.

Yarim himoyachi Evropa ligasi doirasida “Manchester Yunayted”ga qarshi o'yinning 73-daqiqasida sariq kartochka oldi. U yarim himoyada “Manchester Yunayted” yarim himoyachisi Fredning futbolkasidan tortib, qarshi hujumni to'xtatgani uchun ogohlantirish ishlab oldi. Futbolchi ogohlantirishlar ko'payib ketganligi tufayli javob o'yinini o'tkazib yuboradi.

Oldinroq Pedri jarohat olgandi - u o'yinning 1-bo'limida almashtirilgandi.

Gavi joriy mavsumda La Ligada 21 ta o'yinda maydonga tushib, 2 ta golli uzatmani amalga oshirdi.