«Barselona» – «Manchester Yunayted» uchrashuvida Evropa ligasidagi tomoshabinlar soni bo'yicha yangi rekord o'rnatildi.

«Spotifay Kamp Nou» stadionida bo'lib o'tgan «Barselona» – «Manchester Yunayted» uchrashuviga 90 255 nafar tomoshabin tashrif buyurdi, deb xabar beradi UEFA rasmiy sayti.

Bu o'yin Evropa Ligasining yangi rekordini o'rnatdi va avvalgisidan 10 000 ga yaqin tomoshabinni ortda qoldirdi. 2017 yilning 23 fevralida «Tottenxem» – «Gent» o'rtasidagi 1/16 o'yini bo'lib o'tgan «Uembli»ga 80 465 kishi tashrif buyurgandi.

Eslatib o'tamiz, kecha, 16 fevral kuni «Barselona» hamda Angliyaning «Manchester Yunayted» klublari o'rtasidagi Evropa ligasi 1/16 finalining birinchi uchrashuvi yakuniga etdi.

Uchrashuv 2:2 hisobida durang bilan yakunlandi. «Yunayted» va «Barselona» o'rtasidagi javob uchrashuvi 23 fevral kuni Manchesterda bo'lib o'tadi.