Qishki transfer oynasi yopilganiga ham qariyb bir oy bo'ldi, ammo ehtimoliy transferlar haqida gaplar davom etmoqda. Bu ko'plab o'yinchilarning shartnomalari tugashi bilan bog'liq, ya'ni ular potentsial erkin agentlardir. Ma'lumki, Karim Benzema “Real”da qoladi, Milan Shkrinyar “PSJ”ga, Konrad Laymer esa “Bavariya”ga o'tadi. Ammo hamma ham bunday aniq vaziyatga ega emas. Keling, potentsial erkin agent bo'lgan sakkizta yulduz futbolchi haqida gaplashamiz.

Lionel Messi (“PSJ”)

Agar Messi shartnomasini uzaytirmaslikka qaror qilsa, u holda, albatta, u eng mashhur erkin agentga aylanadi. AQSh va Saudiya Arabistoni klublari allaqachon argentinalik futbolchiga turli yo'nalishlardan yaqinlashmoqda, biroq u 35 yoshga to'lganiga qaramay, juda ko'p ekzotik variantlarni ko'rib chiqishga hali erta. “PSJ” futbolchi bilan shartnomani uzaytirish istagini ochiq e'lon qildi. Ammo, mish-mishlarga ko'ra, tomonlar o'rtasidagi muzokaralar cho'zilib ketmoqda va umuman olganda, yaxshi ketayotgani yo'q. Oxir-oqibat nima bo'lishini, ehtimol, bahorning o'rtalariga yaqinroq ko'rish mumkin.

N'Golo Kante (“Chelsi”)

Agar jarohat bo'lmaganida, hech kim Kantening kelajagi haqida savol tug'dirmagan bo'lardi. Uzoq vaqt davomida frantsuz "Chelsi"ning asosiy o'yinchilaridan biri bo'lib kelgan. Londonliklar futbolchini sotish bo'yicha takliflarni bir necha bor rad etishgan. Biroq so'nggi yillarda 31 yoshli yarim himoyachi ko'p jarohat olib bormoqda. Joriy mavsumda uning hisobida Premer-ligada bor yo'g'i 2 ta o'yin bor, shu bois tomonlar o'rtasidagi shartnoma uzaytirilgani haqida hech qanday yangilik bo'lmasa ajab emas. Yozda Kante erkin agentga aylanishi ehtimoli yuqori. "Atletiko" va "Barselona" futbolchi uchun kurashga qo'shilishga tayyor.

Roberto Firmino (“Liverpul”)

"Liverpul"ning triosi parchalanish arafasida. Avvaliga Sadio Mane "qizillar"ni tark etdi, endi Firminoning kelajagi katta shubha ostida. Agentning ta'kidlashicha, tomonlar shartnomani uzaytirish bo'yicha muzokaralar olib borishmoqda, ammo qandaydir tarzda hammasi shubhali darajada uzoq davom etdi. Mersisaydliklarning qo'rquvini tushunish mumkin, chunki braziliyalik futbolchi allaqachon 31 yoshda va uning o'rniga yoshroq hujumchi bilan shartnoma imzolash mantiqan to'g'ri. Shu bilan birga, A Seriyadan Firminoga katta qiziqish bor, u erda u albatta ko'p narsani idbotlashi mumkin. Hozircha futbolchining maqsadi - faoliyatini "Liverpul"da davom ettirish, ammo uning hozirgi jamoasidagi kelajagi qorong'iligicha qolmoqda.

Ilkay Gyundogan (“Manchester Siti”)

“Manchester Siti” Gyundogan bilan hali shartnomani uzaytirmagani juda ajablanarli. Nemis futbolchisi joriy mavsumdan ko'ra samaraliroq mavsumlarni o'tkazdi, ammo u hali ham "shaharliklar" uchun muhim futbolchi bo'lib qolmoqda. Shunga qaramay, tomonlarning yangi shartnoma imzolashga yaqinlashishi haqida hech qanday yangilik yo'q. Futbolchining o'zi ham yaqinda uning kelajagi hozircha noaniq ekanligini tasdiqladi. Ko'pgina OAV xabarlariga ko'ra, 32 yoshli yarim himoyachiga "Barselona" qiziqish bildirmoqda. Shubhasiz, yozga kelib, “Manchester Siti” jamoa sardorini qo'yib yuborishga qaror qilsa, nomzodlar ko'payadi.

Marko Asensio (“Real Madrid”)

Asensio bilan bog'liq vaziyat o'tgan mavsumdan beri noaniqligicha qolmoqda. So'nggi ma'lumotlarga ko'ra, "Real Madrid" haqiqatan ham futbolchi bilan yangi shartnoma imzolashga tayyor, ammo tomonlar moliyaviy muammolarni hal qila olmaydi. Ayni paytda, 27 yoshli vingerga “PSJ”, “Arsenal”, “Nyukasl” va hattoki “Barselona” kabi klublar qiziqish bildirmoqda.

David de Xea (“Manchester Yunayted”)

Ajablanarlisi shundaki, De Xea "Manchester Yunayted"ni necha marta qutqarib qolgan va saqlab qolishda davom etayotganini hisobga olsak, uning kelajagi hali hal bo'lmagan. Yaqinda 32 yoshli darvozabon klub bilan shartnomasini uzaytirish istagi borligini ma'lum qildi va bunda u hatto faoliyatini tugatishga qarshi ham emas. Mankunianlarni nima kutayotgani noma'lum. "Manchester Yunayted" Din Xendersonga ishonishga qaror qilgan deb taxmin qilish mumkin, ammo uning necha marta ijaraga berilganini hisobga olsak, bu dargumon.

Anxel Di Mariya (“Yuventus”)

Di Mariya bir necha bor "Rosario Central"ga qaytishni istayotganini va u erda nafaqaga chiqishi mumkinligini aytgandi. Shu bilan birga, argentinalik futbolchi aynan qachon o'z vatan klubiga qaytishni rejalashtirayotgani ma'lum emas. 35 yoshli vinger yana bir necha yil Evropada qolishi mumkin, ammo uning “Yuventus”dagi kelajagi masalasi ochiqligicha qolmoqda. Ko'p narsa "byankoneri"ning mavsum oxirida qanday pog'onada bo'lishiga bog'liq bo'ladi. Ochkolarning olib qo'yilishi ham klubga, ham futbolchilarga jiddiy zarba berdi.

Luka Modrich (“Real Madrid”)

Faxriylar bilan shartnomani 1 yilga uzaytirish "Real"da oddiy amaliyot. Biroq, "qaymoqranglilar" 37 yoshli yarim himoyachini o'z safida saqlab qolishni istashayotgani eshitmadik. Garchi futbolchining o'zi "qirollik klubi"da qolishdan umidvor bo'lsa-da va Saudiya Arabistonidan kelgan foydali taklifni allaqachon rad etgan. Yoshi bilan xorvatiyalikning optimal shaklga ega bo'lishi tobora qiyinlashib bormoqda, shuning uchun ispanlarning sustligi tushunarli. Qolaversa, Modrichning “Real”dagi kelajagi ko'plab omillarga bog'liq bo'ladi, masalan, klub yosh yarim himoyachini sotib oladimi yoki yo'qmi.