"Barselona" markaziy himoyachisi Erik Garsiya jamoasining so'nggi o'yinlardagi kayfiyati haqida gapirdi.

Eslatib o'tamiz, kecha "ko'k-anorranglilar" Ispaniya chempionatida "Kadis"ni mag'lub etdi.

"Har bir o'yinda biz Xaviga jangga tayyor ekanligimizni ko'rsatmoqchimiz. Biz har bir o'yinga bor kuchimiz bilan chiqamiz va uch ochko olamiz", - dedi Garsiya Barca Universal bilan suhbatda.

Avvalroq, Garsiya mavsum yakunida "Barselona"ni tark etishi mumkinligi haqida xabarlar tarqalgan edi. Garsiya joriy mavsum "Barselona" tarkibida 11 o'yinda maydonga tushdi.