«Barselona» hujumchisi Ferran Torres bosh murabbiy Xavi Ernandes haqida fikr bildirdi.

«Xavi «Kadis»ga qarshi yaxshi o'yindan so'ng meni tabrikladi. Biz tez-tez muloqot qilamiz. Biroq, men nima uchun ko'p o'ynamasligimni so'rayvermayman.

Raqobat bo'lsa menga yoqadi. Men Xaviga qoyil qolaman, «Barselona» DNKsi uning qonida abadiy qoladi, u bu jamoa bilan mutlaqo hamma narsani yutib bo'lgan», - deya Torresning so'zlaridan iqtibos keltiradi Mundo Deportivo.

Joriy mavsumda 22 yoshli futbolchi barcha musobaqalarda 28 ta o'yinda maydonga tushib, 5 ta gol urdi va bitta golli uzatmani amalga oshirdi.

22-turdan keyin «Barselona» 59 ochko bilan Ispaniya chempionati jadvalida peshqadamlik qilmoqda.