"Barselona" hujumchisi Ansu Fati tez orada safga qaytishi kutilmoqda.

Bugun Kataloniya klubi matbuot xizmati xabar berishicha, 20 yoshli futbolchi mashg'ulotlarda jarohat olgan. Ispaniya manbalari keyinroq ma'lum bo'lishicha, Fatining jarohati unchalik jiddiy emas - tiklanish 3-4 kun davom etishi kerak.

Jurnalist Toni Xuanmarti xabariga ko'ra, hujumchi 2 mart kuni bo'lib o'tadigan Ispaniya kubogi yarim finalida "Real"ga qarshi o'yinda ishtirok etishi mumkin.

26 fevral kuni “Barselona” safarda “Almeriya”ga qarshi bahs olib boradi. Bu o'yinda Xavi Fatidan foydalana olmaydi.