Ispaniya poytaxti Madridda mahalliy "Real Madrid" va "Atletiko" o'rtasidagi o'yin oldidan "Qirollik klubi" yarim himoyachisi Luka Modrich va "matraschilar" himoyachisi Stefan Savich tasvirlangan banner paydo bo'ldi. Ushbu aktsiyaning tashabbuskori DAZN nashridir.

E'tiborlisi, banner yaqinda “Atletiko” muxlislarining ba'zi vakillari “Real”ning braziliyalik hujumchisi Vinisius Juniorga nisbatan haqoratlar yozilgan joyda paydo bo'lgan.

Yangi bannerda Modrich va Savich quchoqlashayotgani tasvirlangan va tagida: “Madrid Madridni sevadi” izohi keltirilgan. DAZN ham ushbu harakat haqida ijtimoiy tarmoqdagi postiga: “Futbolda va sportda nafratga o'rin yo'q” deya izoh qoldirgan.

"Real Madrid" - "Atletiko" uchrashuvi bugun, 25 fevral kuni bo'lib o'tadi. Uchrashuv Toshkent vaqti bilan 22:30da boshlanishi rejalashtirilgan.