Braziliyaning "Atletiko Paranaense" klubi hujumchisi Vitor Roke "Barselona"da o'ynashni xohlashini tan oldi.

18 yoshli futbolchi Braziliya futbolidagi eng iqtidorli futbolchilardan biri sanaladi. OAVda unga Londonning “Arsenal”, “Real” va “Barselona” klublari qiziqish bildirayotgani haqida xabarlar tarqalgandi.

"Men "Barselona"ga o'tishga tayyorman. Ko'p narsalarni o'rganishim mumkin bo'lgan Robert Levandovski bilan bir jamoada o'ynash ajoyib bo'lardi. "Barselona" - bu orzu. U erga borish men va oilam uchun katta quvonch bo'ladi", - dedi Roke.

Roke Transfermarkt tomonidan 14 million evroga baholanmoqda.