"Real" joriy mavsumda "Santyago Bernabeu"dagi ilk mag'lubiyatini qabul qildi. Bu Ispaniya kubogi yarim finalida “Barselona”ga qarshi birinchi o'yinda sodir bo'ldi. Karlo Anchelotti shogirdlari himoyachi Eder Militaoning avtogoli evaziga 0:1 hisobida mag'lub bo'lishdi.

Ushbu muvaffaqiyatsizlikka qadar "Real" 2022/2023 yilgi mavsumdagi uy uchrashuvlarida 11 g'alaba va uchta durang qayd etgan.

Qo'shimcha qilamizki, qarama-qarshilikning javob o'yini 5 aprel, yakshanba kuni Barselonadagi "Kamp Nou" stadionida bo'lib o'tadi.