"Fiorentina" yarim himoyachisi Sofyan Amrabat Angliya Premer-ligasi klublari tomonidan bo'layotgan qiziqishlarga qaramay, Ispaniya chempionatiga o'tishni afzal ko'rmoqda. Bu haqda jurnalist Fabritsio Romano ijtimoiy tarmoqlarda xabar berdi.

Marokashlik futbolchining xizmatlariga hozircha jiddiy qiziqish bildirayotgan yagona klub bu moliyaviy qiyinchiliklarni boshidan kechirayotgan kataloniyalik "Barselona"dir. Shu sababli, "ko'k-anorranglilar" yarim himoyachi transferini amalga oshirishi dargumon.

Amrabat Qatardagi jahon chempionatining asosiy kashfiyotlaridan biriga aylandi. Futbolchi Marokash terma jamoasining yarim finalga chiqishiga va bunday muvaffaqiyat bilan Afrikaning birinchi jamoasiga aylanishiga yordam berdi.