"Barselona" yaqin orada Serji Busketsga shartnomani uzaytirish taklifini yuboradi.

Bugun futbolchining agenti Xosep Mariya Orobich Kataloniya klubi rahbariyati bilan uchrashib, mijozining kelajagini muhokama qildi. Busketsning amaldagi shartnomasi joriy mavsum oxirigacha amal qiladi.

Yarim himoyachi MLS va Saudiya Arabistoni klublaridan takliflar bo'lishiga qaramay, yana bir mavsum "Barselona"da qolmoqchi. U kataloniyaliklardan aniq taklif olmaguncha, kelajagi haqida qaror qabul qilmaydi.

Mundo Deportivo nashri xabariga ko'ra, klub unga ushbu taklifni shu hafta jo'natishga va'da bergan.

Buskets La Liganing joriy mavsumida 21 o'yinda 3 ta golli uzatmani amalga oshirdi.