Transfermarkt portali ekspertlari murabbiylarning 2000/2001 yilgi mavsumdan beri futbolchilarni xarid qilish uchun sarflagan mablag'larini hisoblab chiqdi.

Ushbu reytingning kichik farq bilan peshqadami «Roma»ning amaldagi bosh murabbiyi Joze Mourino hisoblanadi. «Real» va «Manchester Yunayted»ning sobiq murabbiyi bu vaqt oralig'ida 104 ta transfer amalga oshirgan va buning uchun 1,71 mlrd evro sarflagan.

Ikkinchi o'rin «Manchester Siti» bosh murabbiyi Xosep Gvardiolaga nasib etdi. Ispaniyalik mutaxassis 67 ta transfer uchun 1,61 mlrd evro sarflagan.

Kuchli uchlikni «Real Madrid» murabbiyi Karlo Anchelotti yopadi. Italiyalik murabbiy 88 nafar futbolchi transferi uchun 1,38 milliard evro sarflagan.