“Barselona”ning sobiq futbolchisi Andres Inesta sobiq jamoadoshi Xavi Ernandesning klub bosh murabbiyi sifatidagi faoliyati haqida gapirdi.

“Men “Barselona”da ishlashning murakkabligini tushunaman. Ammo Xavining kelishi bilan jamoa olg'a siljishni boshlaganini tan olmaslik mumkin emas. Ularning o'yini ancha yaxshi va ajoyibroq bo'ldi. Umid qilamanki, bu mavsumda "Barselona" Ispaniya chempioni bo'ladi va keyingi mavsumda barcha mumkin bo'lgan sovrinlar uchun kurashadi", - deydi Andres.

Ispaniya chempionatining 26-turidan so'ng “Barselona” 68 ochko jamg'arib, eng yaqin ta'qibchisidan 12 ochkoga ilgarilab ketdi.