"Barselona" zaxira darvozaboni Arnau Tenasni jamoada saqlab qolmoqchi. Mundo Deportivo nashri xabariga ko'ra, garchi darvozabonning shartnomasi joriy mavsum oxirida tugasa-da, "ko'k-anorranglilar" rahbariyati avtomatik ravishda yana ikki yilga uzaytirish variantidan foydalanish niyatida.

21 yoshli Tenas hali "Barselona"ning birinchi jamoasida Ispaniya chempionatida debyut o'yinini o'tkazmadi, biroq boshlang'ich futbolchi bo'lmaganiga qaramay, u kiyinish xonasida katta obro'ga ega.

Eslatib o'tamiz, "Real" bilan "Kamp Nou"dagi o'yindan so'ng Tenas "qaymoqranglilar" himoyachisi Dani Karvaxal bilan janjalashib qolgandi.