"Barselona" ustozi Xavi Ernandes jamoadagi faoliyatini davom ettiradi. Bu haqda insayder Fabritsio Romano ijtimoiy tarmoqlar orqali ma'lum qildi.

"Ko'k-anorranglilar" rahbariyati 43 yoshli mutaxassis uchun yangi shartnomasini hozirdan tayyorlab qo'ygan. Tomonlar o'rtasidagi amaldagi shartnoma muddati 2024 yilning o'rtalarigacha mo'ljallangan. Tomonlar La Ligada chempionlikni qo'lga kiritgandan so'ng yangi shartnoma tuzishlari mumkin.

Ernandes 2021 yildan beri "Barselona" bosh murabbiyi hisoblanadi. Ispaniya chempionatining 26-turidan so'ng Kataloniya klubi 68 ochko jamg'arib, ikkinchi o'rindagi "Real"dan 12 ochko oldinda bormoqda.