Ispaniya kubogi doirasidagi “Barselona” – “Real” uchrashuvini 5,5 million tomoshabin tomosha qildi, deya xabar bermoqda AS nashri.

Televizion auditoriya ulushi 40,7 foizni tashkil etdi. Eng yuqori cho'qqisida translyatsiyani 6,3 million tomoshabin (43,3 foiz ulush bilan) tomosha qilgan. O'yin bilan aloqada bo'lganlarning umumiy soni 9,9 million kishini tashkil etdi (Ispaniya aholisining 21,5 foizi).

Kechagi futbol ko'rsatuvi Ispaniyada yilning eng ko'p tomosha qilingan ikkinchi ko'rsatuvi bo'ldi - oldingi "El Klasiko"dan keyin.

Madridning “Real” klubi Karim Benzemaning xet-triki evaziga “Barselona”ni 4:0 hisobida mag'lub etdi va Ispaniya Kubogi finaliga yo'l oldi. Hal qiluvchi bahsda madridliklarning raqibi “Osasuna” bo'ladi. Final o'yini 6 may, shanba kuni soat 23:00da (Toshkent vaqti bilan) boshlanadi.