Robert Levandovski yozgi transfer oynasida "Barselona"ni tark etishi mumkin. Jahon chempionatidan so'ng polyakning o'yini pasayib ketdi va Kataloniya klubi endi uni daxlsiz deb hisoblamaydi. Todofichajes nashrining ma'lum qilishicha, "ko'k-anorranglilar"ning moliyaviy muammolari va futbolchining yuqori maoshini hisobga olgan holda, Levandovskiga bo'lgan takliflar ko'rib chiqilishi mumkin.

Qayd etilishicha, Levandovski bilan allaqachon “Manchester Yunayted” va “Tottenxem” klublari aloqaga chiqqan. Agar "Barselona"ga yaxshi taklif tushsa, u holda 34 yoshli polshalik hujumchi Premer-ligada faoliyatini davom ettirshi mumkin.

2022/2023 yilgi mavsumda Robert Levandovski 35 uchrashuvda 27 ta gol urdi va 7 ta golli uzatmani amalga oshirdi.