"Atletiko Madrid" prezidenti Enrike Sereso "Negreyra ishi" bo'yicha "Barselona"ga qo'yilgan ayblovlar haqida gapirdi.

Eslatib o'tamiz, "ko'k-anorranglilar" Ispaniya hakamlar qo'mitasi vitse-prezidentiga pora berganlikda ayblanmoqda.

"Rostini aytsam, "Negreyra ishi" meni unchalik qiziqtirmaydi. Agar "Barselona" haqiqatan ham Negreyraga pora bergan bo'lsa, buni isbotlash kerak. Biz tergov tugashini kutishimiz kerak", - dedi Sereso Atletico Universe bilan suhbatda.

Eslatib o'tamiz, "Barselona" "Negreyra ishi" bo'yicha klubning aybi isbotlansa, kelasi mavsum uchun evrokuboklardan chetlatilishi bilan tahdid qilinmoqda. Xavi Ernandes shogirdlari ayni damda "Real"dan 11 ochko ko'p to'plagan holda La Ligada peshqadamlik qilmoqda.