"Liverpul" hujumchisi Roberto Firmino "Barselona" bilan shartnoma shartlari bo'yicha kelisha olmadi.

Jurnalist Jerar Romeroning so'zlariga ko'ra, braziliyalik futbolchi "ko'k-anorranglilar" uchun haqiqatan ham qiziq bo'lgan, ammo maosh talabi yuqori bo'lgani uchun rahbariyat undan voz kechgan.

Manbaning xabar berishicha, “Barselona” hujumchi pozitsiyasini mustahkamlash uchun muqobil variantlarni qidirmoqda.

Firmino mavsum oxirida "Liverpul"ni tekinga tark etadi. Bosh murabbiy Yurgen Klopp e'lon qilganidek, futbolchi boshqa jamoaga o'tishga qaror qildi.