"Barselona" himoyachisi Serjino Dest keyingi mavsumda Bundesligada o'ynaydi. Todofichajes nashrining xabar qilishicha, futbolchining xizmatlariga "Union" (Berlin) klubi qiziqmoqda.

Manba bergan xabarga ko'ra, tomonlar muzokara o'tkazgan va futbolchini keyingi mavsumda ijaraga olishga kelishib olgan. Shartnoma yakunlangach, nemis klubi Destning sakkiz-to'qqiz million evroga to'liq transferini tashkil qilishi mumkin bo'ladi.

Joriy mavsumda 22 yoshli amerikalik futbolchi "Milan"da ijara asosida o'ynamoqda. Dest Italiya chempionatining sakkizta uchrashuvida qatnashdi.