"Barselona" bosh murabbiyi Xavi Ernandes markaziy himoyachi Andreas Kristensenning ketishiga to'sqinlik qildi. Bu haqda jurnalist Ferran Korreas ijtimoiy tarmoqlarda xabar berdi.

Eslatib o'tamiz, Kristensen o'tgan yozdan beri "Barselona"da o'ynamoqda, u "Chelsi"dan erkin agent sifatida ko'chib o'tgandi. Daniyalik futbolchi sotish uchun asosiy nomzod deb hisoblangan, chunki klubga moliyaviy muammolarni engish uchun kelayotgan mavsum oralig'ida pul kerak bo'ladi.

Biroq Xavi Kristensenning ketishiga to'sqinlik qilishga qaror qildi, chunki murabbiy daniyalik himoyachining debyut mavsumidagi o'yinlaridan mamnun va uni daxlsiz futbolchi deb biladi.