Bu hafta turli o'yinlarga boy bo'ldi: UEFA yoshlar ligasi finallari, chempionatlarning navbatdagi turlari. Mavsum o'z nihoyasiga etmoqda, yoshlar o'zlarini ko'rsatish imkoniyatiga ega bo'lmoqda. Quyida hafta yoshlari haqida gaplashamiz. 

Meks Merdink UEFA Yoshlar Ligasi finalining qahramoni

«AZ» Yoshlar ligasini egalladi! Finalda ular «Xayduk»ga qarshi maydonga tushdi – 5:0. 19 yoshli hujumchi Meks Merdink ikkinchi bo'lim boshida maydonga tushdi va 2+1 natija qayd etdi. Gollandiyalik futbolchi to'qqizta gol bilan turnir to'purari bo'ldi

Xulio Ensiso «Vulverxempton»ni mag'lub etishda muhim rol o'ynadi

Aprel - paragvaylikning oyi. «Chelsi» va «Bornmut» bilan o'yinlarda «Brayton» futbolchisi chempionatdagi ilk gollarini kiritdi va shu haftada «bo'rilar»ni mag'lub etishda ikkita golli uzatma bilan ishtirok etdi. 19 yoshu 96 kunlik yoshida Xulio bir o'yinda ikkita golli uzatmani amalga oshirgan Premer-liga tarixidagi eng yosh janubiy amerikalik futbolchiga aylandi.

Arda Gyuler Turkiya chempionatida porladi

«Fenerbaxche» hafta boshida «Istanbulspor» bilan durang o'ynadi – 3:3. 18 yoshli Arda o'shanda dubl qayd etdi. Iqtidorli yarim himoyachi joriy mavsumda 6 ta gol urdi va 4 ta golli uzatmani amalga oshirdi. Ko'plab top-klublar Gyulerni kuzatib bormoqda. Tuttomercatoweb xabariga ko'ra, «PSJ» bu yo'lda eng faol bo'lib turibdi. Frantsuzlar turkni yozda o'z safiga qo'shib olmoqchi.

Xavi Gerra «Valensiya»ga muhim g'alaba keltirdi

«Valensiya» La Ligadagi o'rnini saqlab qolish uchun faol kurash olib bormoqda. Payshanba kuni jamoa o'z uyida «Valyadolid» mehmoni bo'ldi, ularga g'alaba juda zarur edi. So'nggi daqiqalarda durang qayd etilayotgan bo'lsada, maydonga 19 yoshli Xavi Gerra chiqdi. Qo'shib berilgan vaqtda u faoliyatidagi ilk golini kiritib, «ko'rshapalaklar»ga muhim g'alabani keltirdi.

Jeremi Doku yana ikkita gol urdi

Bir necha hafta oldin Doku «Renn» safida birinchi dublini qayd etgan bo'lsa, «Anje» ​​bilan o'yinda ikkinchisiga navbat keldi. 2:2 hisobi tabloda aks etib turgan bir paytda belgiyalik ikki bor raqib darvozasini ishg'ol qilib, jamoasiga uch ochko keltirdi.

Nikolas Jekson «Vilyarreal»ni Evropa musobaqalarida munosib himoya qiladi

«Vilyarreal» «Selta»ni 21 yoshli Nikolas Jeksonning dubli bilan mag'lub etdi. Senegallik futbolchi so'nggi beshta o'yinda to'rtta gol urdi. Qishda u «Bornmut»ga borishi mumkin edi, ammo tibbiy ko'rikdan o'ta olmadi va Kike Seten jamoasini evrokuboklargacha eltib borish yo'lida qoldi.

Lamin Yamal «Barselona» safida debyut qildi

Lamin Yamal uch marta «Barselona»ning chempionlik o'yinlari uchun arizasiga kirdi va uchinchi urinishda debyut qildi: Xavi «Betis» bilan o'yinning so'nggi 10 daqiqasida unga imkon berdi. 15 yoshu 290 kunligida vinger La Liga tarixidagi eng yosh debyutantga aylandi. Ispaniya matbuoti xabariga ko'ra, Lamin mavsumning qolgan qismini asosiy tarkibda o'tkazadi, yozda esa mavsumoldi tayyorgarlikda ishtirok etadi.