Kataloniyaning "Barselona" klubi yarim himoyachisi Serxio Buskets "ko'k-anorranglilar" safidagi kelajagi haqidagi savolga javob berdi.

"Kelajagimga kelsak, bu amalda aniq. Hozir biz dam olishga chiqdik. Qaytib kelgach, qaror qabul qilaman. Men bosh murabbiy bilan gaplashaman va hammasini e'lon qilamiz", - dedi futbolchi Marca bilan suhbatda.

Tomonlar o'rtasidagi amaldagi shartnoma muddati joriy yilning iyun oyi oxirigacha mo'ljallangan.

Ispaniya chempionatining joriy mavsumida Buskets 27 ta o'yin o'tkazib, 4 ta golli uzatmani amalga oshirgan. U beshta sariq kartochka oldi va bir marta maydondan chetlatildi.