"Barselona"ning bir qancha futbolchilari rahbariyat ularni sotish istagida bo'lishiga qaramay, Kataloniya klubini tark etishdan bosh tortmoqda.

Marca xabariga ko'ra, bu futbolchilar himoyachi Erik Garsiya, yarim himoyachi Frank Kessiega hamda hujumchilar Ansu Fati va Ferran Torresdir. Oldinroq, "ko'k-anorranglilar" tarbiyalanuvchisi Ansu Fati "Kamp Nou"da o'z imkoniyatlarini ro'yobga chiqarish istagida ekani, Torres esa Angliyaning "Arsenal" va "Aston Villa" klublari manfaati doirasida ekanligi haqida ma'lumotlar paydo bo'lgandi.

Eslatib o'tamiz, "Barselona" La Liga turnir jadvalida ishonchli tarzda peshqadamlik qilmoqda va bu mavsum yakunlanishiga 5 tur qolganda ikkinchi o'rindagi "Atletiko"ni 13 ochkoga ortda qoldirmoqda.