Bir necha yil oldin "Manchester Yunayted" "Barselona"ga qanot hujumchisi Ansu Fati uchun qimmat taklif bilan chiqqan edi.

Saught Offside nashrining xabar berishicha, o'shanda "qizil iblislar" 150 million evro taklif qilgan, biroq sobiq prezident Xosep Bartomeu boshchiligidagi “Barselona” rahbariyati futbolchini sotmaslikka qaror qilgandi.

Hozir "Barselona" Ruben Nevesh va 30 million evro evaziga Fatini "Vulverxempton"ga berishga tayyor.

Ko'p yillar oldin rad etilgan taklifga qaramay, "Manchester Yunayted" hali ham 20 yoshli ispaniyalik vingerni o'z safiga qo'shib olmoqchi. Shuningdek, Fati "Tottenxem", "Bavariya" va "PSJ" qiziqishlari doirasida.