"Barselona" himoyachisi Jordi Alba yozda kataloniyaliklar jamoasini tark etish haqida jiddiy o'ylay boshladi. Jurnalist Xavi Migelning so'zlariga ko'ra, ispaniyalik avvalroq klubini o'zgartirishni istamagan, biroq rahbariyatning maoshni kamaytirish maqsadida futbolchini sotish istagi Jordining kelajagi haqidagi fikrlariga ta'sir qilgan.

Albaning "Barselona" bilan kelasi mavsum oxirigacha shartnomasi bor, unga ko'ra himoyachi Robert Levandovski bilan uchinchi qatorni bo'lishib, jamoadagi eng ko'p maosh oluvchi futbolchilarning to'rtligiga kiradi.

Avvalroq Jordi Saudiya Arabistoniga ko'chib o'tishi mumkinligi aytilgan edi, uning xizmatlariga "Al-Hilol" qiziqmoqda.